FİFA prezidenti Canni İnfantino Donald Trampı ABŞ-də keçirilən prezident seçkilərində qazandığı qələbə münasibətilə təbrik edib.
Sportinfo.az xəbər verir ki, o, sosial şəbəkə hesabındakı paylaşımında bu sözləri yazıb:
“Təbrik edirəm, cənab Prezident! ABŞ-də möhtəşəm Dünya Çempionatı və Klublararası Dünya Kuboku keçirəcəyik! Futbol dünyanı birləşdirir!”.
ABŞ Meksika və Kanada ilə birlikdə 2026-cı ildə keçiriləcək futbol üzrə dünya çempionatına ev sahibliyi edəcək. Turnirin final görüşü iyulun 19-da Amerikanın Nyu-Cersi ştatında “MetLife” stadionunda baş tutacaq.
ABŞ-də keçirilən president seçkilərində səslər hələ də hesablansa da, Tramp seçkidə qalib gəldiyini elan edib.
