Dünyanın ən çox satılan smartfonunun adı açıqlanıb.
Bakıvaxtı.az xəbər verir ki, bununla bağlı Counterpoint Research analitik agentliyinin hesabatında məlumat verilib.
Məlumata görə, iPhone 15 2024-cü ilin üçüncü rübündə qlobal bazarda ən populyar telefon olub.
Bildirilib ki, siyahıda ilk üçlüyü Apple cihazları tutub ki, 2 və 3-cü sırada iPhone 15 Pro Max və iPhone 15 Pro var.
Ən populyar Android smartfonu dördüncü yerdə qərarlaşan Samsung Galaxy A15 4G olub.
Qeyd olunub ki, bir il əvvəl bazarda ən populyar telefon iPhone 14 idi.
Həmçinin 2023-cü ilin üçüncü rübündə ilk beşliyə iPhone 14 Pro Max, iPhone 14 Pro, iPhone 13 və Samsung Galaxy A14 4G də daxil edilib.
Mina Mikayılova
