Bu gün futbol üzrə Azərbaycan çempionatında (Premyer Liqa) 2024/2025-ci illər mövsümünün 13-cü turuna start verilib.
Arena.az xəbər verir ki, ilk oyun günündə bir qarşılaşma baş tutub.
Turun açılış oyununda “Neftçi” “Şamaxı”nı qəbul edib. Bu oyunu Rəvan Həmzəzadə idarə edib.
Xatırladaq ki, “ağ-qaralar” buna qədər Premyer Liqanın cari mövsümündə keçirdikləri 12 oyunda cəmi 9 xal toplamışdılar və 10 iştirakçı arasında 8-ci pillədə qərarlaşmışdılar. “Şamaxı” isə 11 oyuna topladığı 12 xalla 7-ci idi.
Cari mövsümdə cəmi 1 qələbəsi olan “Neftçi” son turda da xalsız qalmışdı. “Şamaxı” isə ardıcıl dörd oyun idi uduzurdu. Ayxan Abbasovun komandası 5 turdur 3 xala həsrət idi.
“Neftçi” “Şamaxı” ilə indiyə qədər çempionatda 75 oyun keçirmiş, 42 qələbə qazanmışdı. “Şamaxı” 16 qələbəyə sevindiyi halda 17 oyun da “sülh”lə bitmişdi. “Şamaxı” 7 görüş idi bu rəqibi üzərində qələbə qazanmırdı. Son iki qarşılaşma heç-heçə bitmişdi.
Bu oyuna paytaxt təmsilçisi yaxşı başlayıb. İlk dəqiqələrdə ardıcıl iki qol vuran “Neftçi” bu üstünlüyünü sonadək qoruya bilməyib. Belə ki, təzyiqi artıran əyalət təmsilçisi elə ilk hissədə buraxılan qolların əvəzini çıxmağı bacarıb. İkinci hissədə hesab dəyişməz qalıb və yekunda tərəflər hərəyə 1 xalla kifayətləniblər.
Premyer Liqa
13-cü tur
8 noyabr
“Neftçi” – “Şamaxı” 2:2
Qollar: Dembo Darbo, 1. Murad Məmmədov, 4 – Brahim Konate, 29. Leroy Mikels, 43.
Hakimlər: Rəvan Həmzəzadə, Cəmil Quliyev, Rahil Ramazanov, Nicat İsmayıllı.
VAR: Cavid Cəlilov.
AVAR: Kamran Bayramov.
Hakim-inspektor: Babək Quliyev.
AFFA nümayəndəsi: Elgiz Abbasov.
Bakı. “Neftçi Arena”, 15:00.
Neftçi: 93. Rza Cəfərov (k), 8. Emin Mahmudov, 3. Höccət Haqverdi, 47. Murad Məmmədov, 14. Edvin Kuç, 4. Mark Tamaş, 99. Ervin Koffi, 44. Yuri Matias, 11. Kilan Lebon, 22. Dembo Darbo, 88. Andrey Ştoqrin.
Ehtiyat oyunçular: 1. Emil Balayev, 30. Rüstəm Samigullin, 17. Rəhman Hacıyev, 7. Azər Əliyev, 90. Ramil Şeydayev, 91. Ağadadaş Salyanski, 6. Rafael Quzzo, 23. Robert Bauer, 77. Yeqor Boqomolski.
Baş məşqçi: Samir Abasov.
Şamaxı: 1. Rikardo Fernandes, 4. Adil Nağıyev (k), 8. İlkin Muradov, 17. Rafael Məhərrəmli, 5. Arsen Ağcabəyov, 82. Rüfət Abbasov, 32. Vasili Radenoviç, 20. Leroy Mikels, 93. Brahim Konate, 7. Georgi Kantariya, 9. Belaydi Pusi.
Ehtiyat oyunçular: 85. Kamal Bayramov, 62. Abdulla Seydəhmədov, 66. Səbayıl Bağırov, 10. Emin Zamanov, 80. Zahid Mərdanov, 6. Rauf Rüstəmli, 22. Qurban Səfərov, 24. Edqar Adilxanov, 19. Fəxri Məmmədli.
Baş məşqçi: Ayxan Abbasov.
