Bu gün futbol üzrə Azərbaycan çempionatında (Premyer Liqa) 2024/2025-ci illər mövsümünün 13-cü turunun növbəti oyunları keçirilir.
Arena.az xəbər verir ki, ikinci oyun gününün ilk qarşılaşması Bayılda baş tutub.
“Bayıl Arena”da “Səbail” “Turan Tovuz”u qəbul edib. Son üç turda məğlubiyyətlə üzləşən, son olaraq “Kəpəz”ə uduzduğu üçün baş məşqçisi Şahin Diniyevlə yollarını ayırmaq məcburiyyətində qalmış “Səbail” uğursuz gedişata “Turan Tovuz”la oyunda son qoymağa çalışıb. Amma Kurban Berdıyevin rəhbərliyi altında uğurlu mövsüm keçirən Tovuz klubu səfərdə növbəti qələbəsini qazanmaqla liderlər qrupundakı mövqeyini yaxşılaşdırmağı hədəfləmişdi.
Görüşdə hesabı meydan sahibləri açıblar. Tovuz təmsilçisi ilk yarıda hesabı bərabərləşdirməyə yaxın olsa da, penalti boşa verilib. Əyalət klubu yalnız matçın son dəqiqələrində məğlubiyyətdən xilas olmağa nail olub.
Beləcə, tərəflər meydanı hərəyə 1 qol və 1 xalla tərk ediblər. Bu nəticədən sonra “Turan Tovuz” 26 xalla 3-cü sırada qərarlaşıb. “Səbail” isə 8 xalla 9-cudur.
Premyer Liqa
13-cü tur
9 noyabr
“Səbail” – “Turan Tovuz” 1:1
Qollar: Rüfət Abdullazadə, 41 – Faiq Hacıyev, 86.
Hakimlər: İnqilab Məmmədov, Namiq Hüseynov, Müslüm Əliyev, Elvin Bayramov.
VAR: Tural Qurbanov.
AVAR: Elşad Abdullayev.
Hakim-inspektor: Zöhrab Qədiyev.
AFFA nümayəndəsi: Namiq Əliyev.
“Bayıl Arena”, 17:00.
Səbail: 1. Hüseynəli Quliyev, 74. Yusif Nəbiyev (k), 18. Süleyman Əhmədov, 20. Mert Çelik, 11. Rüfət Abdullazadə, 83. Nihad Quliyev, 19. Samir Abdullayev, 8. Qorka Larruçea, 3. Dmitri Litvin, 21. Ayman Buali, 14. Suleyman Alluş.
Ehtiyat oyunçular: 12. Əlirza Müştəbazadə, 25. Nicat Məmmədzadə, 6. Cabir Əmirli, 15. Vüsal Məsimov, 17. Gülağa Əsədov, 16. Emin Rüstəmov, 36. Azad Əsgərov, 10. David Qomis, 44. Amir Bilali.
Məşqçi: Elvin Məmmədov.
Turan Tovuz: 1. İvan Konovalov, 4. Şəhriyar Əliyev (k), 10. Xəyal Nəcəfov, 88. Faiq Hacıyev, 11. Ayxan Hüseynov, 7. İsmayıl Zülfüqarlı, 9. Kristian da Silva, 23. Alexandro Serrano, 15. Emmanuel Hakman, 25. Denis Marandiç, 21. Aleks Souza.
Ehtiyat oyunçular: 41. Sergey Samok, 71. Mehman Hacıyev, 39. Sadiq Quliyev, 33. Eltun Turabov, 8. Tural Bayramlı, 13. Fərid Yusifli, 44. Rüfət Əhmədov, 77. Veysəl Rzayev, 99. Sadiq Şəfiyev, 70. Məzahir Məmmədzadə, 20. İbrahim Ramazanov, 80. Otto Con.
Baş məşqçi: Kurban Berdiyev.
