BMT-nin Ərzaq və Kənd Təsərrüfatı Təşkilatı (FAO) qeyri-sağlam qidalanma vərdişlərinin qlobal kənd təsərrüfatı-ərzaq sistemlərində hər il 8 trilyon dollar gizli xərclərə gətirib çıxardığını müəyyən edib.
Bu barədə Haber Global-a istinadən xəbər verir.
FAO-nun 156 ölkəni əhatə edən 2024-cü il üçün Ümumdünya Ərzaq və Kənd Təsərrüfatının Vəziyyəti (SOFA) hesabatına əsasən, qlobal kənd təsərrüfatı-ərzaq sistemlərindəki gizli xərclər hər il təxminən 12 trilyon dollar təşkil edir. Bu xərclərin təxminən 70 faizini təşkil edən 8,1 trilyon dollar qeyri-sağlam qidalanma vərdişlərindən qaynaqlanır. Bu vərdişlər ürək xəstəlikləri, insult və diabet kimi narahatlıq doğuran xəstəliklərə səbəb olur, eyni zamanda ətraf mühitin deqradasiyası və sosial bərabərsizliklərlə bağlı xərcləri də artırır.
Qlobal xərclər əsasən orta və yüksək gəlirli ölkələrdə daha çox sənayeləşmiş aqro-ərzaq sistemlərində müşahidə edilir.
Bu kontekstdə FAO sağlamlığa təsirlərin araşdırılması zamanı 13 qidalanma risk faktorunu müəyyən edir ki, bunların arasına dənli bitkilər, meyvə və tərəvəzlərdən kifayət qədər istifadə edilməməsi, həddindən artıq natrium istehlakı, qırmızı ət və emal edilmiş ətin çox yeyilməsi kimi kimi amillər daxildir.//Oxu.az
