ABŞ-ın yeni seçilmiş prezidenti Donald Trampın İsraillə Hizbullah arasında atəşkəslə bağlı Co Bayden administrasiyasına mesaj göndərməsindən sonra Təl-Əviv administrasiyası açıqlama verib. İsrailin müdafiə naziri Yisrael Katz Livandakı hücumların hədəflərinə çatana qədər Hizbullahla atəşkəs olmayacağını bildirib.
Turkustan.az xəbər verir ki, İsrailin müdafiə naziri Yisrael Katz Livandakı hücumların hədəflərinə çatana qədər Hizbullah ilə atəşkəs olmayacağını açıqlayıb. Digər tərəfdən, Qəzzaya hücumlarda məqsədlərinin israilli məhbusları geri qaytarmaq olduğunu bildirib.
İsrailin müdafiə naziri Yisrael Katz İsrail ordusu rəsmiləri ilə görüşündə Hizbullahla münaqişə, Qəzzada hücumlar və İranla gərginliyin artması ilə bağlı açıqlama verib. "İranın nüvə obyektlərinin İsrailin hava hücumundan müdafiə obyektlərinə edilən hücumlardan sonra hər zamankindən daha həssas olduğunu" iddia edən Katz, Qəzzada böyük dağıntılara səbəb olan hücumların ən əhəmiyyətli məqsədinin İsrailli məhbusları geri qaytarmaq olduğunu iddia edib.
“Hizbullahla atəşkəs olmayacaq”
Livandakı hücumlarla bağlı Katz, "Müharibənin məqsədlərinə çatana qədər (Hizbullah ilə) atəşkəs olmayacaq" dedi. O bildirib: İsrailin xarici işlər naziri Gideon Saar Livanda Hizbullah ilə atəşkəsin əldə edilməsində "müəyyən irəliləyişlərin" əldə edildiyini bildirib.
İsrail mediasında dərc olunan xəbərdə baş nazir Benyamin Netanyahuya yaxınlığı ilə seçilən İsrailin strateji işlər naziri Ron Dermerin Livanda Hizbullah ilə atəşkəs razılaşmasını müzakirə etmək üçün ABŞ-a getdiyi bildirilib. Yedioth Ahronot qəzetinin adı açıqlanmayan ABŞ rəsmilərinə əsaslanan xəbərində ABŞ-ın yeni seçilmiş prezidenti Donald Trampın İsrail ilə Hizbullah arasında atəşkəslə bağlı Bayden rəhbərliyinə mesaj göndərdiyi iddia edilib.
Eltac Zülfüqaroğlu/Turkustan.az
