Atom Enerjisi üzrə Beynəlxalq Agentlik (AEBA) İranla nüvə sazişi ilə bağlı danışıqlar aparacaq.
Bakıvaxtı.az xəbər verir ki, bunu AEBA-nın baş direktoru Rafael Qrossi Bakıda keçirilən COP29 çərçivəsində bildirib.
"Biz bununla Tehranda məşğul olacağıq, orada mən xarici işlər naziri və digər rəsmilərlə görüşlər keçirəcəyəm", - o bildirib və əlavə edib ki, İranla nüvə sazişi strateji əhəmiyyət daşıyır.
Qrossi, həmçinin Bakıda COP29-dakı müzakirələrə toxunub.
"Burada dövlətlərin siyasəti ilə çox sıx əlaqəli müəyyən qərarlar qəbul edilir. Buna görə də hesab edirəm ki, enerji təhlükəsizliyi aspekti çox vacibdir", - o qeyd edib.
