İsrailin Hərbi Hava Qüvvələri şərqdən gələn pilotsuz uçuş aparatını (PUA) ələ keçirib.
“Far.Az”un məlumatına görə, bu barədə İsrail Odusunun Mətbuat xidməti xəbər yayıb.
Hərbi mənbələrin məlumatına görə, PUA İsrailin hava məkanına daxil olmazdan əvvəl vurulub.
Bundan əvvəl İsrailin şimal bölgəsində, Ramat-Maqşimiim yaşayış məntəqəsi yaxınlığında hava təhlükəsi siqnallarının işə düşdüyü bildirilib.
Xatırladaq ki, oktyabrın 7-də HƏMAS qruplaşması İsrailin nəzarətində olan ərazilərə hücum edib. Buna cavab olaraq İsrail ordusu Qəzzada hərbi əməliyyatlara başlayıb. Noyabrın 24-də Misir və Qətərin vasitəçiliyi ilə HƏMAS və İsrail arasında humanitar atəşkəs əldə olunub. Dekabrın 1-də İsrail ordusu HƏMAS-ı atəşkəsi pozmaqda ittiham edərək Qəzzada hərbi əməliyyatları yenidən bərpa edib.
