Saçınızı tez-tez fenlə qurutsanız, onun gücünü və elastikliyini poza bilərsiniz.
Azpost.info xəbər verir ki, bunu rusiyalı trixoloq və dermatoloq Sofiya Belaş deyib.
Onun sözlərinə görə, buna səbəb havanın temperaturunun 40-120 dərəcə arasında dəyişməsidir.
“Forma vermək üçün istifadə edilən yüksək temperatur saçın strukturunda dəyişikliklərə səbəb olur. Yüksək temperatura məruz qaldıqda, keratini sabitləşdirən bağlar məhv olur, bu da saçın güc və elastikliyini itirməsinə səbəb olur”, – həkim bildirir.
O qeyd edib ki, fendən tez-tez istifadə lipidlərin məhvinə və suyun buxarlanmasına səbəb ola bilər. Bu zaman saçlar xarici amillərə qarşı həssaslaşır, kövrək və quru olur. Onlar həmçinin solğun və dolaşıq ola bilir.
Saçınıza zərər verməklə yanaşı, fendən sıx istifadə saç dərinizə də mənfi təsir göstərə bilər. Belaş əlavə edib ki, yüksək temperatur baş dərisinin hidrolipid mantiyasını pozaraq qıcıqlanma, quruluq və hətta kəpəyə səbəb ola bilər.
Azpost.info
