Şimali Koreya lideri Kim Çen In müxtəlif İHA modellərinin imkanlarının sınaqlarına rəhbərlik edib və kamikadze pilotsuz təyyarələrin kütləvi istehsalına göstəriş verib...
Poliqon Reuters Agentliyinə istinadən xəbər verir ki, bu barədə Koreya Mərkəzi Xəbər Agentliyi (KCNA) məlumat yayıb. Reuters xatırladıb ki, ilin əvvəlində Kim Rusiya ilə sürətlə inkişaf edən hərbi əməkdaşlıq fonunda kamikadze pilotsuz təyyarələrin oxşar sınaqlarını da müşahidə edib.
Pilotsuz kamikadze dronlar Şimali Koreyanın Pilotsuz Aviasiya Texnologiyaları Assosiasiyası tərəfindən hazırlanıb. KCNA qeyd edir ki, “intihar hücumu” üçün pilotsuz təyyarələr də daxil olmaqla təqdim olunan İHA-lar quruda və dənizdə müəyyən müxtəlif taktiki marşrutlar üzrə uçub və “hədəfi dəqiqliklə vurub”.
“Yəqin ki, dünyanın bütün hərbi idarələri dronların böyük və kiçik münaqişələrdə aşkar uğur qazandığını qəbul edirlər. Bu hərbi sahədə zəruri tələbə çevrilən yeni tendensiyadır”, deyə Kim Çen In sınaq zamanı bildirib.
Poliqon.info
