ABŞ rəsmiləri Mərkəzi Kəşfiyyat İdarəsinin əməkdaşını keçən ay İsrailin İrana hərbi cavab planlarına dair çox məxfi sənədlərin açıqlanmasında əli olmaqda ittiham edib.
Bunu “Cebheinfo.az” “The New York Times”-a istinadən yazır.
Bildirilib ki, MKİ-də çalışan Asif Rəhman Kambocada Federal Təhqiqat Bürosu tərəfindən həbs edilib və onun federal məhkəmə qarşısında ifadə verəcəyi gözlənilir.
Məlumata görə, müttəhimin ifşa etdiyi sənədlərdə yer alan məlumatlar olduqca məxfidir və İsrailin İrana mümkün hücumuna yönəlmiş peyk şəkillərinin ətraflı təsvirlərini ehtiva edir.
Sənədlərdə İsrail hərbçilərinin hücumda istifadə edə biləcəyi raketlərin, qırıcıların və digər təyyarələrin növləri qeyd edilib.
“Cebheinfo.az”
