ABŞ Federal Təhqiqatlar Bürosu (FTB) Texas ştatının Hyuston şəhərində terror aktı hazırlamaqda şübhəli bilinən ölkə sakinini saxlayıb.
Adalet.az xəbər verir ki, bu barədə FTB "X" sosial şəbəkəsində məlumat yayıb.
Açıqlamada 28 yaşlı Ənəs Səidin evində saxlanıldığı bildirilib. Dindirilmə zamanı şübhəli şəxs “2001-ci il sentyabrın 11-i üslubunda” terror aktı törətmək niyyətində olduğunu etiraf edib. Eyni zamanda, Səidin hücumu həyata keçirmək üçün bütün lazımi resursları olduğu ortaya çıxıb.
