Kürdlərin 27 ildən sonra İraqda keçiriləcək siyahıyaalmaya etirazları var.
"Cebheinfo.az" xəbər verir ki, İraqda 27, Kürd bölgəsində isə 38 ildən sonra ümumi əhalinin siyahıyaalınması keçiriləcək.
Noyabrın 20-21-də keçiriləcək siyahıyaalmanın nəticələri ölkədə siyasi hakimiyyətin bölgüsündə və parlamentdəki yerlərin sayında dəyişikliklərə səbəb ola bilər.
Hüquqi qaydalara görə, parlament yerlərinin sayı yeni siyahıyaalmaya əsasən yenidən müəyyən edilə bilər. Bunun üçün seçki qanunvericiliyinə dəyişikliklər tələb olunacaq. Yeni siyahıyaalma əhalinin əyalətlər üzrə bölgüsünü göstərəcək.
Siyahıyaalma çərçivəsində evlərə 70 sual veriləcək. Səhiyyə, təhsil, iş, xidmətlər, fərdlərin sayı və ailələrin üzləşdiyi xəstəliklər kimi məsələlərin yer aldığı layihədə etnik və məzhəb məsələləri yer almayacaq.
İraq Seçki Qanununun 13-cü maddəsinə əsasən, İraq parlamentindəki yerlərin sayı yeni siyahıyaalma aparılana qədər 329-da qalacaq.
İraq Konstitusiyasının 49-cu maddəsinin birinci bəndinə görə, hər bir parlament yeri üçün 100 min adam müəyyən edilib.
Bu ildən etibarən İraq və Kürdüstan bölgəsinin əhalisinin 43 milyon nəfərə çatacağı gözlənilir.
Belə olan halda parlamentdəki yerlərin sayı 430-a qədər artmalı ola bilər.
Dara Sekaniyani, "Seçki qanununda ediləcək dəyişikliklərdən biri də millət vəkillərinin sayının əhaliyə nisbətdə yenidən təşkili və 100 min nəfərin əlavə edilməsidir ki, 100 min nəfərə bir deputat veriləcək. Beləliklə parlament deputatlarının hazırkı sayı dəyişməz qalacaq" deyə bildirib.
Respublikada deputat mandatlarının sayı 2010-ci ilə qədər 275 idi və bu rəqəm 2005-ci il siyahıyaalınması əsasında müəyyən edilmişdi.
Lakin 2010-cu ildə əhalinin sayı 32 milyon nəfəri ötdükdə, sayda dəyişiklik olmuşdu.
