Xəzər rayonu Binə qəsəbəsində, "Zavod yolu" adlanan ərazidə yolların acınacaqlı vəziyyəti sakinlərin və sürücülərin ciddi narazılığına səbəb olur. Ərazi boyunca addımbaşı dərin çalalar, əlverişsiz hissələr yol hərəkətini çətinləşdirir.
News365.az xəbər verir ki, sakinlərin sözlərinə görə, yollar uzun müddətdir ki, təmir edilməyib və hər gün burada təhlükəli vəziyyətlər yaşanır. Sürücülər də bu yollarda avtomobillərinin sıradan çıxmasından və əlavə xərcdən şikayətlənir.
Sakinlər yerli icra hakimiyyətindən və digər aidiyyəti qurumlardan yolların təmir edilməsi üçün tədbirlər görülməsini tələb edirlər. Zavod yolu, həm qəsəbənin əsas arteriyası olduğu, həm də intensiv istifadə edildiyi üçün buradakı problemlərin həlli təxirəsalınmazdır.
Mövzu ilə bağlı rəsmi qurumlardan açıqlama gözlənilir.
