Almaniya hökuməti, Qəzza bölgəsinə humanitar yardım göndərilməsinin qarşısının alınmasının heç bir bəraətə malik olmadığını bildirib.
Busaat.az xarici mediaya istinadən xəbər verir ki, Almaniyanın Xarici İşlər Nazirliyi, İsrailin Qəzza bölgəsinə humanitar yardımın daxil olmasına mane olmasını tənqid edərək, bunun beynəlxalq humanitar hüququn kobud pozulması olduğunu vurğulayıb.
Almaniyanın Xarici İşlər Nazirliyinin sözçüsü, “Humanitar yardımın Qəzza bölgəsinə daxil olmasının qarşısını almağın heç bir bəraəti olmamalıdır. İnsanların ehtiyaclarını qarşılayacaq yardımların təmin edilməsi üçün təcili tədbirlər görülməlidir” deyib.
Almaniya hökumətinin nümayəndəsi, Qəzza bölgəsindəki vəziyyətin çox ağır olduğunu və mülki əhalinin, xüsusilə uşaqların həyatını xilas etmək üçün beynəlxalq yardımların dərhal çatdırılmasının vacib olduğunu qeyd edib. O, müharibə və humanitar böhranın daha da dərinləşməsinin qarşısını almaq məqsədilə Qəzzəyə yardım göndərməyin vacibliyini vurğulayıb.
Almaniya, beynəlxalq təşkilatların və qeyri-hökumət təşkilatlarının Qəzza bölgəsinə yardım göndərməsinin təmin edilməsini və yardım koridorlarının açılmasını tələb edir.
Bununla yanaşı, İsrail müharibə zamanı humanitar yardımların Qəzza bölgəsinə daxil olmasına ciddi təhlükəsizlik tədbirləri tətbiq edir. İsrailin müdafiə qüvvələri, humanitar yardımın yalnız müəyyən şərtlər altında və təhlükəsizlik yoxlamalarından keçərək bölgəyə daxil olmasına icazə verir.
Almaniya hökuməti, humanitar yardımların Fələstinlilərə çatdırılmasını təmin etmək üçün daha çox təzyiq göstərməyi və yardımların təhlükəsiz şəkildə Qəzzaya daxil olmasına kömək etməyi planlaşdırır.
Almaniya, həmçinin İsrail və Fələstin arasında sülh danışıqlarının bərpasını və mülki əhalinin həyat şəraitinin yaxşılaşdırılmasını dəstəklədiyini açıqlayıb.
Zeyd Bağırzadə
