Gecə yatmaq istəyərkən yaşadığınız ən qəribə hisslərdən biri də bu olmalıdır: Gözləriniz yumulduğu kimi, birdən yıxıldığınızı hiss edirsiniz.
Turkustan.az xəbər verir ki, anidən diksinəndə vücudunuz istər-istəməz yataqda büzülür. Proses zamanı oynaqlarınız, hətta bütün bədəniniz dartıla bilər.
Birdən döyüşə və ya uçuş rejiminə keçməyinizin və içində olduğunuz sakitliyin hara getdiyinin məntiqi səbəbini tapa bilmirsiniz.
Təcrübəniz sizi çaşqın, narahat vəziyyətdə qoya bilər. Ən pisi də odur ki, siz bunu ilk dəfə yaşamırsınız.
Amerika Yuxu Təbabəti Akademiyası deyir ki, tamamilə yuxuya getməzdən əvvəl baş verən bu ani hərəkətlərimizin arxasında birdən çox səbəb dura bilər. Lakin izahlar o qədər genişdir ki, mövzunu qısaltmaq mümkün deyil.
Yüksək miqdarda kofein və ya digər stimulantların qəbulu diksinmələrə səbəb ola bilər, yuxusuzluq, yüksək səviyyədə fiziki fəaliyyət və ya ağır məşqlər də buna səbəb ola bilən amillərdəndir.
Diksinmələr əsasən həm çox yorğun olduğunuz zaman, həm də çox həyəcanlı olduğunuz zaman baş verə bilər.
Aytən Yaşar/ Turkustan.az
