Bakının mərkəzində, Şəhid Həmidağa Hüseynzadə küçəsində (keçmiş Zərgərpalan küçəsi) yerləşən qədim hamamın mövcudluğu, uzun illər ərzində nəinki paytaxt sakinlərindən, hətta o ərazidə yaşayan sakinlərin özündən belə gizli qalıb. Buna səbəb kimi isə hamamın divarlarında inventar nömrəsinin olmaması göstərilir.
Publika.az xəbər verir ki, bununla bağlı sosial şəbəkədə məlumat paylaşılıb.
Qeyd olunub ki, memarlıq abidələrinin siyahısında bu hamamın 1899-cu ildə tikildiyi (inventar nömrəsi: 3578) və yerli əhəmiyyətli memarlıq abidəsi olduğu göstərilib.
“Siyahıda həmin abidənin ünvanı kimi Zərgərpalan küçəsi, 87 qeyd edilib. Ancaq hazırda bu küçə Şəhid Həmidağa Hüseynzadənin adını daşıyır”, – deyə məlumatda bildirilir.
Məsələ ilə bağlı açıqlama verən Azərbaycan Respublikası Mədəniyyət Nazirliyi yanında Mədəni İrsin Qorunması, İnkişafı və Bərpası üzrə Dövlət Xidmətinin mətbuat katibi Fariz Hüseynli bildirib ki, tarixi tikilinin divarları mütəxəssislər tərəfindən təmizlənib:
