“İsveç şousu: Azərbaycanın üzərindən keçdik” - isveçli jurnalist yığmamızdan iki futbolçunu bəyənib

"İsveç Azərbaycanla matça çox yaxşı başladı. Millimizə rəqibin müqavimətini qırmaq üçün cəmi 11 dəqiqə bəs etdi. Deyan Kulusevskinin qolundan sonra hər şey daha asan oldu. Onun dublu, Viktor Dyökereşin pokeri sayəsində qonaqları 6:0 hesabıyla məğlub etdik. Düzdü, rəqib 4-cü sırada qərarlaşan, ilk beş oyunda qələbə qazana bilməyən Azərbaycan idi. Lakin yığmamızın parlaq oyun göstərdiyinə şübhə yoxdu. Qonaqların heyətindən Rza Cəfərov və Toral Bayramovu fərqləndirə bilərik. Hətta Cəfərov İsakın penalti zərbəsini dəf etdi. Bayramovun qol vurmaq istədiyi, amma bəxtsizlik yaşadığı bəlli idi. Üç qol buraxandan sonra fasiləyə yollanan Azərbaycan millisində ikinci hissədə dəyişikliklər edildi. Portuqaliyalı mütəxəssis Fernando Santuş üç futbolçunu əvəzləsə də, İsveçi dayandırmaq mümkün olmadı.

Beləliklə, millimiz parlaq qələbə qazandı. İsveçin gələcəyi parlaq və gözəldi!"