Ölkəmizin ev sahibi olduğu BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyası Azərbaycan tarixində daha bir şanlı səhifədir. Azərbaycan Prezidenti, Ali Baş Komandan İlham Əliyevin rəhbərliyi ilə ata-baba torpaqlarımız 30 illik işgaldan sonra erməni qəsbkarların əlindən azad edildi. Elə başa düşürəm ki, Qarabag Zəfərindən sonra COP29-un ölkəmizdə keçirilməsi daha bir möhtəşəm qələbədir. Çünki bu böyük dünyəvi tədbirin ölkəmizdə keçirilməsinin qarşısını almaq üçün bütün "demokratik" dövlətlər mane olurdular. Ölkəmizin ədalətli mövqeyi, Möhtərəm Prezidentimizin qüdrətli, siyasi və haqlı revanşları mühüm rol oynadı. Ölkəmiz bir daha təsdiq etdi ki, o yalnız özünü yox, bütün dünyanın taleyini düşünür. Dünya dövlətləri də ölkəmizin məsuliyyətini dərk etdilər və çagırışımıza müsbət cavab verdilər.
Cənab Prezidentimizin COP29-un sessiyasındakı möhtəşəm çıxışı dünyamızın taleyi naminə məsuliyyəti səmimi və cəsarətlə ifadə edir. Cəsarətli çıxışda, haqlı olaraq, müstəmləkə xalqların tarixi aqibəti dünyanın ekoloji vəziyyətilə simmetrik nəzərdən keçirilir. Prezidentimiz bir sıra əsassız ittihamlara dəqiq, əsaslı və hüquqi cavab verir. Bir daha dərindən inandıq ki, dünyanın taleyi siyasi, hüquqi, demokratik və ekoloji tandemlə kompleks həll olunmalıdır. Əks təqdirdə təbii yaşam tarazlıgı pozulur, arzuolunmaz problemlər yaranır.
Azərbaycanın ictimai-siyasi və ekoloji həyatında mühüm hadisə olan bu beynəlxalq tədbirə ən yüksək səviyyədə hazırlıgı sessiyaya qatılan dünya dövlətlərinin liderləri, narahat dünyamızın ekoloji problemlərinin həllində maraqlı olan təşkilatların nümayəndələri, aparıcı media rəhbərləri, jurnalistlər, müstəmləkəçilik zülmündən əziyyət çəkən və ekoloji fəlakətlərlə üzləşən dövlətlərin təmsilçiləri dönə-dönə etiraf etdilər.
Bir yazıçı ekoloq kimi mən də sessiyanın gedişini diqqətlə izləyirəm. Dünyanın müxtəlif ölkələrindən gələn nümayəndələr ölkəmiz haqqında ,onun füsunkar təbiəti,adət-ənənələri,hətta məişət həyat tərzi haqqında xoşməramlı çıxışlarında, müsahibələrində səsləndirdikləri fikirlərlə qürur duyuram. Təbii ki, bu ölkəmizin beynəlxalq nüfuzunun artmasında ,bir sözlə,bu tədbir daha bir müsbət göstəricidir.
Cənab Nazir!
COP 29-un prezidenti kimi sessiyada çıxışınız və aidiyyəti qurumların təmsilçiləri ilə görüşləriniz məndə yüksək təəssürat oyatdı." COP 29-un əks-sədası" adlı ekoloji mövzuda daha bir kitab qələmə almağa məni ruhlandırdı. Sevinirəm ki, "Yaşıl dünya naminə" adlı kitabım Nazirliyimizin fəaliyyətinə məndən də kiçik bir töhfə oldu. Bu mənəvi töhfənin yaranmasında Prezidentimizin 2024 cü ili "Yaşıl dünya naminə həmrəylik ili" elan etməsi ilə bağlı sərəncamı bu kitabın ərsəyə gəlməsində əvəzsiz rol oynadı. Əlbəttə, COP 29 böyük beynəlxalq tədbirdir. Bu tədbirin belə yüksək səviyyədə keçirilməsinə çoxları inanmırdı. Ölkəmiz bu tədbirin öhdəsindən ləyaqətlə gəldi. Bu, dostlarımızı sevindirir, düşmənlərimizi isə təəssüfləndirir. Axı bu tədbir Azərbaycanı öz əsassız uttihamlarına, qarayaxmalarına hədəf seçən dövlətlərə bir mesaj oldu.
Hərtərəfli və dərin çıxışınıza görə bir daha Sizə minnətdarlıgımı bildirirəm. Görüşləriniz bizdə düşündürücü ovqat yaradır. Bu ovqat bizi Sizin rəhbərliyinizlə daha məhsuldar, daha səmərəli işləməyə ruhlandırır. İnanıram ki, bu tədbir bütün dünya ekologiyasına Azərbaycandan dəyərli bir töhfə olacaqdır.
Sizə böyük ehtiram hissi ilə:
Bəxtiyar Hüseynov,
1saylı Regional Ekologiya və Təbii Sərvətlər İdarəsinin əməkdaşı, Azərbaycan Yazıçılar və Jurnalislər Birliyinin üzvü
