1990-cı illərin əvvəllərində ölkəmizdə siyasi-iqtisadi böhran və Ermənistanın hərbi təcavüzü kimi ciddi problemlər hökm sürürdü. O vaxtkı hakimiyyətin səriştəsiz siyasəti nəticəsində daxili sabitlik pozulmuş, ölkə vətəndaş müharibəsi həddinə çatmışdı.
Bu çətin şəraitdə Azərbaycanın gələcəyini düşünən və milli birliyi təmin etmək istəyən bir qrup ziyalı yeni bir siyasi təşkilatın yaradılmasının zəruriliyini anlayaraq bununla bağlı Ulu Öndər Heydər Əliyevə müraciət etdi. Onlar Ümummilli Lider Heydər Əliyevin ölkəni böhrandan çıxara biləcəyinə və Azərbaycanın müstəqilliyini gücləndirəcəyinə inanırdılar.
1992-ci il noyabrın 21-də Naxçıvanda Yeni Azərbaycan Partiyasının (YAP) təsis konfransı keçirildi və Heydər Əliyevin partiyanın Sədri seçildi. YAP-ın əsas ideyaları xalqın milli maraqlarını qorumaq, Azərbaycanın müstəqilliyini gücləndirmək və ölkədə sabitliyi təmin etmək idi.
YAP qısa müddətdə geniş xalq dəstəyini qazandı və siyasi arenada dominant mövqeyə sahib oldu. 1993-cü ildə Dahi Lider Heydər Əliyev xalqın təkidli tələbi ilə siyasi hakimiyyətə qayıtdı və partiyanın fəaliyyəti daha da gücləndi. Heydər Əliyevin rəhbərliyi ilə həyata keçirilən siyasi islahatlar, iqtisadi dirçəliş proqramları və uğurlu xarici siyasət kursu müstəqilliyimizi möhkəmləndirdi.
Yeni Azərbaycan Partiyasının uğurlarında cənab İlham Əliyevin rolu çoxşaxəlidir və strateji əhəmiyyət daşıyır. Onun liderliyi dövründə YAP həm ölkədaxili siyasətdə, həm də beynəlxalq arenada mövqeyini daha da gücləndirmişdir. Həmin dönəmdə partiyanın strukturunda müasirləşmə, gənclərin və qadınların partiya işində fəal iştirakı kimi təşəbbüslər həyata keçirilmişdir. YAP, ölkənin müasir çağırışlarına uyğunlaşaraq siyasi, sosial və iqtisadi sahələrdə irəliləyişlərə imza atmışdır.
Yeni Azərbaycan Partiyasının 5 mart 2021-ci il tarixində keçirilən VII Qurultayı partiya üçün mühüm bir dönüş nöqtəsi olmuşdur. Qurultayda partiyanın strukturunda islahatlar aparılmış, yeni idarəetmə formatı tətbiq edilmiş və müasir çağırışlara cavab vermək üçün yeni yanaşmalar müəyyən edilmişdir. Tədbirdə Prezident İlham Əliyevin proqram xarakterli çıxışı partiyanın qarşısında duran yeni hədəfləri və vəzifələri aydınlaşdırmışdır. YAP ölkə daxilində milli maraqların qorunması, dayanıqlı inkişaf, vətənpərvərliyin təşviqi və Azərbaycanın beynəlxalq arenadakı mövqeyinin gücləndirilməsi istiqamətində çoxsaylı tədbirlər həyata keçirmişdir. VII Qurultay, xüsusilə, 44 günlük Vətən müharibəsinin yaratdığı yeni reallıqlara uyğun olaraq Azərbaycanın strateji hədəflərinə töhfə verəcək siyasi qərarların qəbul edilməsi ilə yadda qalmışdır.
Cənab İlham Əliyevin rəhbərliyi ilə Yeni Azərbaycan Partiyası sosial-iqtisadi sahədə bir sıra iri layihələr həyata keçirmişdir. Cənab İlham Əliyevin uğurlu siyasəti nəticəsində,
YAP Azərbaycanın gələcək inkişafı üçün möhkəm təməl yaratmışdır. Yeni Azərbaycan Partiyası ölkənin siyasi həyatında müstəsna yer tutaraq milli maraqların qorunmasında və Azərbaycanın inkişafında əsas qüvvəyə çevrilmişdir. Hazırda YAP, ölkənin sosial-iqtisadi inkişafı, xarici siyasət strategiyası və milli birliyin təmin olunması istiqamətində uğurla fəaliyyət göstərir.
Məhəmməd Balaqadaşov,
YAP Xaçmaz rayon təşkilatının sədri
