Türkiyənin Afyonkarahisar bölgəsində zəncirvari yol qəzası nəticəsində 30 nəfər xəsarət alıb.
Day.Az-ın Türkiyə mətbuatına istinadən verdiyi məlumata görə, hadisə Afyonkarahisarın Emirdağ rayonunda baş verib. Ankara istiqamətində hərəkət edən sərnişin avtobusu evakuator və minik avtomobili ilə toqquşaraq qəza törədib.
Qəzada yaralanan 30 nəfər müxtəlif xəsarətlərlə Afyonkarahisarın müxtəlif xəstəxanalarına yerləşdirilib. Hazırda hadisənin səbəbləri və təfərrüatları ilə bağlı araşdırmalar aparılır. Qəza yerində təhlükəsizlik qüvvələri və təcili yardım briqadaları tez bir zamanda tədbir görüb. Hadisənin nə vaxt baş verdiyi və daha ətraflı məlumat hələlik açıqlanmayıb.
