Filippinin paytaxtı Manila şəhərində gecəqonduların üstünlük təşkil etdiyi ərazidə güclü yanğın baş verib.
Bu barədə AFP məlumat yayıb.
Evlərdən birinin ikinci mərtəbəsində başladığı güman edilən yanğında 1000-dən artıq evin külə döndüyü bildirilib.
Ölən və yaralananlarla bağlı hələlik məlumat verilməyib.
Şəhərin təbii fəlakət agentliyinin paylaşdığı dron görüntülərində yanğın zamanı evlərin məhv olduğu açıq-aydın görünür.
Ölkənin yanğınsöndürmə idarəsinin məlumatına görə, tikililərdə təxminən 2000-ə yaxın ailə yaşayıb.
Əraziyə 36 yük maşını, 4 yanğınsöndürən və iki helikopter cəlb olunub.
