Türkiyə Prezidenti Rəcəb Tayyib Ərdoğan 23 oktyabrda Rusiyanın dövlət başçısı Vladimir Putinlə telefonla danışıb...
Türkiyə və Rusiya prezidentləri Rəcəb Tayyib Ərdoğan və Vladimir Putin arasında telefon danışığında iki ölkə arasında əlaqələr, regional və qlobal məsələlər müzakirə olunub.
AP-nın xəbərinə görə, bu barədə Türkiyə Prezident Administrasiyasının yaydığı məlumatda bildirilib.
Qeyd edilib ki, Ərdoğan telefon danışığında Türkiyə və Rusiya arasında ticarət dövriyyəsinin genişləndirilməsi başda olmaqla, bir çox sahədə işbirliyini artırmağı hədəflədiklərini bildirib. Eyni zamanda Türkiyənin bölgədəki gərginliklərə son qoymaq üçün səylərini davam etdirdiyini, sülh proseslərinə dəstək verməyə davam ediləcəyini nəzərə çatdırıb.
***
“Report” Kremlin mətbuat xidmətinə istinadən xəbər verir ki, telefon söhbəti zamanı liderlər arasında ikitərəfli gündəlikdəki cari məsələlər müzakirə edilib, ticarət-iqtisadi əməkdaşlığın səmərəliliyinin artırılması vurğulanıb.
“Bunu nəzərə alaraq, aidiyyəti qurumlar arasında əlaqə saxlanılacaq. Söhbət zamanı liderlər bir sıra beynəlxalq mövzulara da toxunublar”, - deyə məlumatda qeyd olunub.
Poliqon.info
