Zaur Paşayev basketbol üzrə Azərbaycan yığmasındakı çıxışını başa vurub.
Bizim.Media xəbər verir ki, 41 yaşlı idmançı bu gün sonuncu dəfə millinin formasını geyinib.
2027-ci ildə keçiriləcək dünya çempionatının 1-ci seçmə mərhələsində yığmamız İsveçrə ilə qarşılaşıb. Millimizin 55:85 hesabı ilə məğlub olduğu oyunda Zaur 15 dəqiqə meydanda olub. O, 3 xal və 3 ribaundluq nəticəyə imza atıb.
Azərbaycan Basketbol Liqasında “Quba” klubunda çıxış edən Zaur karyerası ərzində “NTD-Devon”, “Qala”, “Araz-NTD” və “Cəlilabad” kimi komandaların formasını geyinib. O, Gürüstanın “NTD- Tbilisi” və “Kutaisi” klublarında legioner həyatı yaşayıb.
Qeyd edək ki, Paşayev iki dəfə İslam Həmrəyliyi Oyunlarında qızıl medal qazanıb.
Rəşad Rafiqoğlu, Bizim.Media
