İngiltərə və İrlandiyadan sonra Fransanı da əhatə edən “Bert fırtınası” səbəbindən ölkənin 9 vilayətində narıncı xəbərdarlıq elan edilib.
"Cebheinfo.az" xəbər verir ki, həftəsonu İngiltərə və İrlandiyada daşqınlara və nəqliyyatın kəsilməsinə səbəb olan "Bert" qasırğası Fransanın şərq və mərkəzi hissələrinə təsir edib. Fransa Meteorologiya İdarəsi “Metro-France” sürəti saatda 120 kilometri keçən Bert qasırğasının Allier, Saone-et-Luara, Jura, Puy-de-Dome, Loire, Rhone, Ain, Haute-Loire və Isere əyalətlərində axşam saatlarına qədər həyata mənfi təsir göstərəcəyini bildirib. Fırtına ilə əlaqədar bu əyalətlərdə narıncı həyəcan siqnalı verilib.
Digər tərəfdən, əlverişsiz hava şəraiti ilə əlaqədar xəbərdarlıqların edildiyi Auvergne Rhone-Alpes bölgəsində qatarların hərəkətində fasilələr yaranıb.
Qeyd edək ki, İngiltərə və İrlandiyada “Bert” fırtınası səbəbindən daşqınlar, elektrik enerjisinin kəsilməsi və nəqliyyatda fasilələr olub.
İngiltərənin müxtəlif yerlərində yüzlərlə insan evlərini tərk etmək məcburiyyətində qalıb, Şimali İrlandiyada bir çox evi su basıb.
