Hindistanın Uttar Pradeş ştatında faciəvi hadisə baş verib. Google Maps-in göstərişi nəticəsində yarımçıq körpüdən keçməyə çalışan 3 nəfər avtomobilləri ilə körpünün çökən hissəsindən yıxılaraq ölüb.
News24.az xəbər verir ki, qurbanların ailələri həm səlahiyyətlilərə, həm də Google Maps-ə reaksiya veriblər:
"Yol bağlanmalı idi, amma bağlanmadı. Google Maps körpünün tamamlandığını göstərməməli idi".
Google sözçüsü isə hadisə ilə bağlı açıqlamasında deyib: “Ailələrə dərin hüznlə başsağlığı veririk. Biz problemin araşdırılmasına dəstək vermək üçün səlahiyyətlilərlə sıx əməkdaşlıq edirik”.
Hadisə ilə bağlı araşdırmalar davam edərkən, tikinti şirkətinin təhlükəsizlik tədbirləri görməməsi də tənqid hədəfidir.
Günel Məlikzadə
