“Politecnico di Milano”dan olan AIDA (Süni İntellektlə Avtonom Sürücülük) komandası avtonom idarəetmə texnologiyasının sərhədlərini genişləndirməyə davam edir.
Avtosfer.az xarici mediaya istinadən xəbər verir ki, 2023 və 2024-cü illərdə Mille Miglia yarışında iştirak etdikdən sonra indi yeni rekorda imza atıblar.
Belə ki, tam avtonom olan “Maserati MC20 Piacenza San Damiano” trekdə 285 km/saat sürətə çatıb. Rekord orijinal mexanika və “Bridgestone Potenza Sport” şinləri ilə təchiz edilmiş “Maserati MC20” avtomobili ilə əldə edilib. Bu, onu sükanda insan olmadan tamamilə süni intellektlə idarə olunan ən sürətli istehsal avtomobili edib.
Layihənin rəhbəri Sergio Matteo Savaresenin sözlərinə görə, bu cür sınaqların məqsədi sərt şəraitdə robot sürücüsünün sərhədlərini yoxlamaqdır:
"Bu testlər süni intellektin etibarlılığını, dayanıqlığını və həssaslığını təhlükəsiz qiymətləndirməyə imkan verir ki, bu da şəhər hərəkətliliyinə xas olan aşağı sürətlərdə təhlükəsizliyi yaxşılaşdırır".
Namiq Musayev
