Azərbaycanda daha bir məhkum həbsdə ölüb.
Musavat.com lent.az-a istinadən bildirir ki, hadisə Penitensiar Xidmətin Bakıdakı cəzaçəkmə müəssisəsində qeydə alınıb.
Orada cəza çəkən məhkum Yəhyabala Xalıqov dünyasını dəyişib.
Onun xəstəlikdən öldüyü bildirilir.
Qeyd edək ki, Yəhyabala Xalıqov bu ilin iyul ayında həbs edilib. O, narkotiklərin qanunsuz dövriyyəsində təqsirli bilinib. Cinayət aləmində narkobaron kimi tanınan Y.Xalıqovdan külli miqdarda heroin və metamfetamin aşkar edilib.
Davam etdirilən əməliyyat tədbirləri zamanı onun yaşadığı evdən isə əlavə olaraq heroin, metamfetamin, tiryək, marixuana və metadon həbləri aşkar olunaraq götürülüb.
