İsrail və Livan “Hizbullah” hərəkatı arasında atəşkəs razılaşması yerli vaxtla saat 4:00-da (Bakıvaxtı ilə 6:00) qüvvəyə minib...
Poliqon xəbər verir ki, müvafiq məlumatı “Əl-Cəzirə” telekanalı yayıb.
Sənəd BMT-nin Livandakı Müvəqqəti Qüvvələrinin dəstəyi ilə Livan ordusunun cənub sərhədi boyunca yerləşən ərazilərə mərhələli nəzarəti nəzərdə tutur. Öz növbəsində İsrail iki ay ərzində Cənubi Livandan ordusunu çıxaracaq.
Ötən gecə İsrailin hərbi-siyasi kabinetinin baş nazir Binyamin Netanyahunun tərtib etdiyi “Hizbullah”la atəşkəs planını təsdiqlədiyi məlum olub. ABŞ prezidenti Co Bayden bildirib ki, razılaşma Vaşinqtonun təşəbbüsü ilə əldə olunub.
Qeyd edək ki, İsrail bu il sentyabrın sonunda Livandakı Hizbullah infrastrukturunu məhv etmək üçün hərbi əməliyyata başlayıb. Livan və “Hizbullah”ın Amerikanın İsraillə atəşkəs təklifi ilə razılaşdığı faktı ötən həftə məlum olub.
Poliqon.info
