Xəbər verildiyi kimi, noyabrın 21-də Xaçmaz rayonunda minik avtomobili ilə mikroavtobus toqquşub.
Həmin gün saat 16:30 radələrində Gəndov-Yalama avtomobil yolunun Xaçmaz rayonunun Gödəkli kəndi ərazisindən keçən hissəsində Xaçmaz rayon sakini Əmirbəyov Kamil Rafik oğlunun idarə etdiyi “MİTSUBİSHİ” markalı, 27-BJ-625 dövlət qeydiyyat nişanlı avtomobillə Şabran rayon sakini Soltanov Feyruz Sudef oğlunun idarə etdiyi “FORD TRANİT” markalı, 77-SP-975 dövlət qeydiyyat nişanlı avtomobil toqquşub.
Qəza nəticəsində “FORD” markalı avtomobildə olan sərnişin - azyaşlı Vəliyev Ramal Hikmət oğlu hadisə yerində həlak olub, digər sərnişin Dəmirov Fərhad Ağamurad oğlu isə xəsarət alıb.
Bildirilir ki, qəzada vəfat edən azyaşlı Xaçmaz şəhəri Abamüslüm Səlimov adına 7 nömrəli tam orta məktəbin 1-ci sinif şagirdi imiş. O, aldığı xəsarətlərdən hadisə yerində vəfat edib.//publika.az
Dünyasını dəyişən şagirdin fotosunu təqdim edirik:
