ABŞ-ın yeni seçilmiş prezidenti Donald Tramp Ukrayna ilə Rusiya Federasiyası arasında sülh sazişinə vasitəçilik edə bilməyəcək.
Editor.az bildirir ki, bu fikri noyabrın 27-də dərc olunan “Politico” nəşrinə müsahibəsində Ukraynanın keçmiş xarici işlər naziri Dmitri Kuleba deyib. Kulebanın sözlərinə görə, Rusiyanın prezidenti Vladimir Putin sövdələşmə bağlamaq niyyətində deyil. Keçmiş nazir hesab edir ki, o, hələ də Ukrayna dövlətçiliyini məhv edə və Ukraynanı müstəqil demokratiya kimi darmadağın edə biləcəyinə inanır. Onun sözlərinə görə, Putin “Qərbin zəifliyini üzə çıxarmaqdan bir addım uzaqda” olduğunu düşünür.
Keçmiş nazir qeyd edib ki, Ukrayna Putinin şəxsi ehtirasıdır və onun dağılması onun böyük məqsədinə – “dünyaya Qərbin özünü və nəyi müdafiə etmək iqtidarında olmadığını göstərmək” məqsədinə çatmaq üçün bir vasitə olacaq.
Kuleba, Putinin diplomatiya ilə maraqlanmadığını nəzərə alsaq, Trampın planı işləməyəcək. Əvəzində Rusiya lideri Qərbi ələ salmağa çalışır.
Kuleba əlavə edib ki, Rusiyanın Putinin açdığı müharibədə öz əsgərlərini ölümə göndərməyə hazır olan dostları var, Ukraynanın müttəfiqləri isə ona lazımi silahları belə göndərməyəcək. Keçmiş xarici işlər naziri Ukrayna prezidenti Vladimir Zelenskinin diplomatik həll yolları axtarmağa dair bəyanatlarına baxmayaraq, Krımın və ya Donbasın ilhaqını qəbul edən hər hansı paktı necə imzalaya biləcəyini də görmür.
Kulebanın sözlərinə görə, Zelenskinin rusların işğal olunmuş əraziləri saxlaması və Ukraynanın heç bir NATO üzvlüyünü qəbul etməməsi barədə saziş imzalaya bilməsi ağlasığmazdır. Kuleba deyib ki, Zelenski bunu Konstitusiyaya görə edə bilməz, həm də ona görə ki, bu Zelenskinin siyasi sonu olacaq.
//Samir Qurbanov, Editor.az
