UEFA Çempionlar Liqasının beşinci həftəsində Liverpool öz meydanında Real Madrid-i qəbul edib.
Milli.Az xəbər verir ki, Arda Gülerin ilk dəfə əsas heyətdə başladığı qarşılaşmada Real Madrid səfərdə Liverpool-a 2-0 məğlub oub. Arda Güler, Liverpool qarşısında Çempionlar Liqası oyununa əsas heyətdə başlayaraq karyerasında bir ilki yaşayıb.
UEFA Çempionlar Liqasının beşinci həftəsində Liverpool, Arda Gülerin oynadığı matçda Real Madrid-i 2-0 məğlub edərək turnirdə ardıcıl beşinci qələbəsini qazanıb. İngilis komandasının qollarını 52-ci dəqiqədə Aleksis Mak Allister və 76-cı dəqiqədə Kodi Qakpo vurub. Real Madrid-in oyunçusu Kilian Mbappe və Liverpool-un ulduzu Məhəmməd Salah isə penalti zərbələrini qaçırıb.
Real Madrid baş məşqçisi Karlo Ançelotti, milli futbolçu Arda Gülerə ilk dəfə əsas heyətdə şans verib. Oyunda 57 dəqiqə iştirak edən milli ulduz daha sonra yerini Lukas Vaskeza verib. 19 yaşlı Arda Güler, karyerasında ilk dəfə bir Çempionlar Liqası matçına əsas heyətdə başlamış olub.
Digər nəticələr
Digər tərəfdən, Kerem Aktürkoğlu və Orkun Kökçünün forma geyindiyi Benfica, 1-0 geri düşdüyü oyunda Monakonu 3-2 məğlub edib.
UEFA Çempionlar Liqasında oynanan matçların nəticələri:
Sturm Qrats - Girona: 1-0
Qızılulduz - Ştutqart: 5-1
PSV Eyndhoven - Şaxtar Donetsk: 3-2
Aston Villa - Yuventus: 0-0
Monako - Benfica: 2-3
Bolonya - Lille: 1-2
Dinamo Zaqreb - Borussiya Dortmund: 0-3
Seltik - Klub Bruj: 1-1
Liverpool - Real Madrid: 2-0
Lalə Qüdrətova
Milli.Az
