Sudanda vəba epidemiyasına yoluxanların sayı 43 mini keçib.
Sudan Səhiyyə Nazirliyindən verilən açıqlamada ölkədə vəbaya yoluxanların ümumi sayının 43 min 490-a yüksəldiyi bildirilib.
Qaziler.az xarici mətbuata istinadən bildirir ki, açıqlamada epidemiyada həyatını itirənlərin sayının 1187-yə yüksəldiyi bildirilib.
Digər tərəfdən, dang qızdırması hallarının sayının 8 min 8-ə çatdığı və 16 nəfərin bu xəstəlik səbəbindən həyatını itirdiyi bildirilib.
Sudanda iyun ayında başlayan yağışlar və daşqınlar vəba xəstəliyinin yayılmasına səbəb olub.
Sudan hakimiyyəti avqustun 12-də vəba xəstəliyini epidemiya elan edib.
Birləşmiş Millətlər Təşkilatının (BMT) Humanitar Məsələlər üzrə Koordinasiya Ofisi oktyabrın 1-də 3,4 milyon sudanlı uşağın epidemiya xəstəlikləri riski altında olduğunu bildirib.
BMT-nin Uşaq Fondu oktyabrın 5-də Sudana 1,4 milyon doza vəba peyvəndi göndərdiyini açıqlayıb.
Müharibənin davam etdiyi və səhiyyə sisteminin effektiv işləmədiyi Sudanda epidemik xəstəliklərin yayılması insanların həyatını daha da çətinləşdirir.
QAZİLER.AZ
