Azərbaycan Respublikası Ali Məhkəməsinin qərarına əsasən toy baş tutmadığı təqdirdə nişan zamanı tərəflərə verilmiş qızıl-zinət əşyaları geri qaytarılmalıdır❗️
Məhkəmənin əsaslandırmasına əsasən qızıl-zinət əşyalarının geri qaytarılmaması isə ƏSASSIZ VARLANMA kimi qiymətləndirilmişdir.
AR Mülki Məcəlləsinin 1091-1092-ci maddələrinin tələblərinə əsasən ƏSASSIZ VARLANAN o şəxs sayılır ki, hüquqi əsas olmadan başqa şəxsin hesabına əmlak əldə etsin.
Əsassız varlanma yalnız o zaman baş verir ki, bu cür varlanmaya haqq qazandıran qanuni əsas və ya müqavilə əsası olmur. Hüquqi əsas olmadan varlanma həmçinin o hallarda baş vermiş sayılır ki, bu cür varlanma həyata keçirilməmiş əsasa və ya sonralar aradan qalxmış əsasa söykənir.
Varlanmış şəxs əldə etdiklərini məhrum olanın tələbi ilə ona qaytarmalıdır!
