1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.
"Mastercard" Azərbaycanda dayanıqlı şəhər nəqliyyatını təkmilləşdirmək məqsədilə "Bakı Taksi Xidməti" MMC, ABB və APAR velosiped icarəsi xidməti ilə əməkdaşlığa başladığını elan edir.
ABB və APAR Xidməti ilə Birgə Layihə
APAR şəhərin əsas bölgələrində 700 ekoloji təmiz, pedallı velosiped və 200 e-velosipedi istifadəyə verir, "Mastercard" və ABB tərəfdaş kimi taksi təşəbbüsünü mükəmməl şəkildə tamamlayır. ABB-dən əldə edilən "Mastercard" kartlarının istifadəçiləri pedallı velosipedlər üçün abunəliklərdə 50% endirim əldə edəcəklər. Eyni zamanda, bütün "Mastercard" istifadəçiləri elektrikli velosipedlərə aid xüsusi stimullardan faydalana biləcəklər. İstifadəçilər üçün velosiped axtarışı, gəzintiyə başlama və icarə idarəsi üçün rahat mobil tətbiq təqdim olunacaq.
"Bakı Taksi Xidməti" İstifadəçiləri üçün Eksklüziv "Mastercard" Üstünlükləri
Ekoloji cəhətdən təmiz elektrik taksilərinin istifadəsinə təşviq etmək məqsədilə "Baku Taxi" MMC "Mastercard" kart istifadəçiləri üçün eksklüziv kampaniyaya start verib: mobil ödənişlərə bir il ərzində 10% endirim təklif olunur. Bu təşəbbüs sakinləri və qonaqları təmiz nəqliyyata təşviq edərək emissiyaları azaldır və dayanıqlılığı dəstəkləyir. Azərbaycan Yerüstü Nəqliyyat Agentliyininin (AYNA) İdarə Heyətinin sədr müavini Natiq Dadaşov AYNA tərəfindən paytaxt ərazisində mikromobillik infrastrukturunun inkişafı və xüsusilə yaxın məsafələrə səfərlər zamanı əhalinin bu növ nəqliyyat vasitələrindən istifadəyə təşviq edilməsi məqsədilə 35 km-ə yaxın mikromobillik zolağı salındığını diqqətə çatdırıb. Həmçinin, taksi sahəsində xidmət səviyyəsinin yüksəldilməsi məqsədilə həyata keçirilən yeniliklərin müsbət nəticələrinin müşahidə edildiyini bildirib.
"Mastercard"ın Türkiyə və Azərbaycan üzrə baş direktoru Avşar Gürdal bu təşəbbüslərdən məmnunluğunu ifadə edərək bildirib: "Bakı Taksi Xidməti" və ABB ilə əməkdaşlıq edərək Azərbaycanda şəhər mobilliyini təkmilləşdirməkdən qürur duyuruq. İnnovativ nəqliyyat həlləri təqdim edərək hər kəs üçün daha təmiz və əlçatan seçimlər yaratmağı hədəfləyirik".
Bu tərəfdaşlıq vasitəsilə "Mastercard", "Bakı Taksi Xidməti", ABB və "APAR" Azərbaycanda şəhər həyatını yaxşılaşdırmaq, emissiyaları azaltmaq və dayanıqlı nəqliyyat həllərini təşviq etmək məqsədilə hər kəs üçün daha yaşıl bir gələcəyin qurulmasına töhfə verir.
