1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.
"Fransada siyasi məhbuslar var".
Oxu.Az "Report"a istinadən xəbər verir ki, bunu Fransa Milli Assambleyasında müxalifətdə olan əsas siyasi qruplardan biri olan "Əyilməz Fransa - Yeni Xalq Cəbhəsi"nin (solçular) sədri, deputat Matilda Panot Fransanın "FranceInfo" telekanalında canlı yayımda deyib.
Onun sözlərinə görə, hər bir ölkə öz problemləri ilə məşğul olmalıdır:
"Bilirsiniz ki, bizdə də siyasi məhbuslar var və mən bunu deyirəm. Bəli, bizdə siyasi məhbuslar var. Mən Kanak və Sosialist Milli Azadlıq Cəbhəsinin (FLNKS) sədrini nəzərdə tuturam və onun dərhal azad edilməsini tələb edirəm. Bu, kanaklı hazırda Kanakidən (Yeni Kaledoniya) 17 min km uzaqlıqda, həbsxanadadır. Ona görə də hər bir ölkə öz daxili problemləri ilə məşğul olmalı və öz qapısının qarşısını təmizləməlidir. Bu baxımdan, insan hüquqlarına hörmət edilməsi və Fransada siyasi məhbuslar olmaması yaxşı olardı".
