Gəncə Şəhidlər xiyabanında təmir aparılır.
Bu barədə APA-ya Gəncə Şəhər İcra Hakimiyyətindən bildirilib.
Məlumata görə, Gəncə İcra Hakimiyyətinin başçısı Niyazi Bayramovun tapşırığına əsasən, Nizami və Kəpəz Bələdiyyələri tərəfindən Şəhidlər xiyabanının ərazisində olan köhnə tamet daşları yenisi ilə əvəz olunur. Bununla əlaqədar olaraq, İcra Hakimiyyətinin başçısı Niyazi Bayramov Şəhidlər xiyabanında görülən işlərlə yerində tanış olub.
Şəhər icra başçısına bildirilib ki, ümümi sahəsi 3500 kv.m. olan ərazidə köhnə tamet daşları sökülərək yenisi ilə əvəz olunur. Hazırda 1000 kv.m sahənin daşları yenilənib, irəlidəki günlərdə isə sözügedən ərazidə işlər tam yekunlaşacaqdır. Bununla yanaşı, xiyabanda mütəmadi olaraq abadlıq işləri həyata keçirilir, məzarların təmizliyi daim diqqətdə saxlanılır.
Niyazi Bayramov görülən işlərə baxış keçirib, əlaqədar şəxslərə tapşırıq və tövsiyyələrini verib.
