Kriştianu Ronaldo qollarının sayını daha da artırıb.
QOL.az xəbər verir ki, portuqaliyalı forvard növbəti dəfə Səudiyyə Ərəbistanı çempionatında fərqlənib.
“Əl-Nəsr”in hücumçusu “Əl İttihad”a qarşı keçirilən matçda komandasının yeganə qoluna imza atıb. Ronaldo 57-ci dəqiqədə Angelonun ötürməsindən sonra fərqlənib. Lakin bu qol “Əl-Nəsr”i məğlubiyyətdən xilas etməyib. Benzema və Berqveynin qolları “Əl İttihad”a 2:1 hesablı qələbə qazandırıb. Bununla da Ronaldo qollarının sayını 916-ya çatdırıb.
Qeyd edək ki, Kriştiano Ronaldo daha əvvəl hədəfinin 1000 qola çatmaq olduğunu bildirib.
