Argentina millisinin və “İnter Mayami” klubunun hücumçusu Lionel Messi Böyük Futbol Liqasında (MLS) mövsümün ən dəyərli oyunçusu seçilib.
Yeniavaz.com xəbər verir ki, bu barədə turnirin mətbuat xidməti məlumat yayıb.
Məlumata görə, Messi bu mövsüm 20 qol vurub və 16 məhsuldar ötürmə edib.
“İnter Mayami” müntəzəm mövsümdə birinci yeri tutub. Komanda pley-offun ilk mərhələsində “Atlanta”ya (seriyada 1:2) məğlub olub.
Qeyd edək ki, Messinin 37 yaşı var. O, səkkiz dəfə “Qızıl top”un sahibidir. Futbolçu karyerası ərzində İspaniyanın “Barselona”sı və Fransanın “Paris Sen-Jermen”inin rənglərini qoruyub, 2023-cü ilin yayından isə “İnter Mayami”də çıxış edir. Argentina millisi ilə forvard Dünya Kubokunu (2022) və Amerika Kubokunu (2021, 2024) qazanıb.
