Milli Hidrometeorologiya Xidmətinin dekabrın 7-si saat 10:00-a olan məlumatına əsasən, Bakıda və Abşeron yarımadasında arabir yağış yağıb. Düşən yağıntının miqdarı 3 mm-dək olub.
Xidmətdən verilən məlumata görə, hazırda Bakıda və Abşeron yarımadasında yağıntıda fasilə yaranıb. Lakin dekabrın 7-si axşam saatlarından 9-u axşamadək yenidən Bakıda və Abşeron yarımadasının bəzi yerlərində fasilələrlə yağış yağacağı, yarımadanın ayrı-ayrı yerlərində leysan xarakterli olacağı gözlənilir.
Azərbaycanın rayonlarında hava şəraiti əsasən yağmursuz keçib.
