Ermənistanın baş naziri Nikol Paşinyan Paris Müqəddəs Məryəm kilsəsinin açılış mərasimində iştirak etmək üçün Parisə yola düşüb.
Korrespondent.az bildirir ki, bu barədə Ermənistan KİV-i məlumat yayıb.
Qeyd olunub ki, baş nazir Parisə Gümrüdən uçub. Xatırladaq ki, bu gün o, Vanadzor, Spitak və Gümrü şəhərlərində olub, zəlzələ qurbanlarının abidələri önünə gül dəstələri qoyub.
Onu da qeyd edək ki, 2019-cu ildə baş verən yanğından sonra bərpa edilmiş Paris Müqəddəs Məryəm Kilsəsinin geniş açılış mərasimi təxminən 40 dövlət və hökumət başçısının iştirakı ilə keçiriləcək.
Mərasimdə ABŞ-ın yeni seçilmiş Prezidenti Donald Tramp da iştirak edəcək.
