"Formula 1" üzrə dördqat dünya çempionu Maks Ferstappen Beynəlxalq Avtomobil Federasiyası (FIA) tərəfindən ictimai işlərə məhkum edilib.
Avtosfer.az "Report"a istinadən xəbər verir ki, buna səbəb onun sentyabrın 19-da pilotların yığıncağında nalayiq ifadələr işlətməsi olub.
27 yaşlı niderlandlı pilotu cəzasını Ruandanın paytaxtı Kiqalidə çəkəcək. O, FIA-nın mükafatlandırma mərasimində iştirak edəcək və paralel olaraq gənc sürücülər üçün təlim məşğələləri keçəcək.
Qeyd edək ki, M.Ferstappen noyabrda Las-Veqas Qran-prisində qalib gələrək ardıcıl dördüncü çempionluğunu qazanıb.
