Dekabrın11-i Azərbaycanın bəzi tarixi şəxsiyyətləri xatırlanır. Missiya.Az onları təqdim edir:Bayram Bayramov - Nasir, 1954-cü ildən Azərbaycan Yazıçılar Birliyinin üzvü, Azərbaycan SSR Xalq yazıçısı (1984), Azərbaycan SSR dövlət mükafatı laureatı (1990), Azərbaycan Respublikası Ali Sovetinin deputatı (1990) Bayram Bayramov 1918-ci ili bu günü Cavanşir qəzasının Şıxavənd kəndində (indiki Ağdam rayonunun Əlimədədli kəndi) ziyalı ailəsində dünyaya gəlib.O, “Yarpaqlar”, “Arakəsmələr”, “Karvan yolu”, “Tək palıdın kölgəsi”, “Cıdır düzü” və s. romanların müəllifidir. “Mən ki gözəl deyildim”, “Firəngiz”, “Onun bəlalı sevgisi” filmlərinin ssenarisini yazıb. 1960-cı ildə nasirin "Gördüyümüz günlər" povesti çap olunub. Görkəmli şəxsiyyət 9 noyabr 1994-cü ildə vəfat edib.Əbdürrəhim bəy Haqverdiyev - Yazıçı və dramaturq, ictimai-siyasi və teatr xadimi, publisist Əbdürrəhim bəy Haqverdiyev 1993-cü ilin bu günü vəfat edib.O, 4 may 1870-ci ildə Şuşa şəhərindən 20 km məsafədə yerləşən Ağbulaq kəndində anadan olub. “Dağılan tifaq”, “Bəxtsiz cavan”, “Pəri cadu”, “Ac həriflər” və s. pyeslərin, hekayələrin (“Marallarım” silsiləsi) müəllifidir. Rus ədəbiyyatından tərcümələr edib. "Tazə həyat", "İrşad" və digər mətbuat orqanlarında məqalələri dərc olunub.
Zərintac MayisqızıMissiya.Az
