ABŞ Ukraynaya 73-cü hərbi yardım paketi verəcək, bu paket çərçivəsində Kiyev Pentaqonun anbarlarından 500 milyon dollar dəyərində silah alacaq...
Poliqon xəbər verir ki, bu barədə dövlət katibi Entoni Blinken məlumat verib.
“Osdep” saytında verilən açıqlamaya görə, yeni paketə HIMARS reaktiv raket sistemləri üçün döyüş sursatları, pilotsuz təyyarələrin hücumlarını dəf etmək üçün döyüş sursatları, 105 və 155 mm-lik artilleriya sursatları, yüksək sürətli radar əleyhinə raketlər, minaya davamlı maşınlar, Javelin və AT-4 tank əleyhinə sistemləri, qumbaraatanları və təlim avadanlıqları daxildir. Bundan əlavə,Ukraynaya söküntü avadanlıqları və bioloji, kimyəvi, radioloji və nüvə müdafiə avadanlığı veriləcək.
Qeyd edək ki, bu, dekabrın əvvəlindən Kiyev üçün üçüncü hərbi yardım paketidir. Əvvəlki iki paket 725 və 988 milyon dollar olub.
ABŞ prezidentinin milli təhlükəsizlik üzrə müşaviri Ceyk Sallivan qeyd edib ki, hazırkı administrasiya getməzdən əvvəl Ukraynanı döyüş meydanında mövqelərini möhkəmləndirmək üçün resurslarla təmin etmək üçün əlindən gələni edəcək.
Poliqon.info
