Döşəmə, tavan və qapı-pəncərələr yararsız haldadır….
TƏHSİL.BİZ Xəzər TV-yə istinadən bildirir ki, söhbət Zaqatalanın Kəpənəkçi kənd orta məktəbindən gedir. Şagirdlər sınıq pəncərələri olan siniflərdə dərs keçirlər
Ötən əsrin 60-cı illərində 8 illik məktəb kimi istifadəyə verilən binanın təmirə ehtyacı var.
Məktəbin bu vəziyyətdə olması şagirdlər qədər onların valideynlərini də narahat edir.1000 nəfərdən çox əhalisi olan kənd məktəbində 170 şagird təhsil alır və 30-a yaxın müəllim çalışır.
Məsələ ilə bağlı Şəki-Zaqatala Regional Təhsil İdarəsinə müraciət etdik. Qurumdan bildirildi ki, Kəpənəkçi kənd tam orta məktəbinin maddi-texniki bazasının möhkəmləndirilməsi məqsədi ilə aidiyyati üzrə müraciət edilib.
Həmçinin, qeyd edildi ki, təhsil müəsisələrinin təmiri və tikintisi növbəlilik əsasında həyata keçirilir.
