Türkiyə Böyük Millət Məclisinin (TBMM) sədri Numan Kurtulmuş Suriyada öz sülaləsindən kənarda olan hər kəsi özgələşdirən rejimin xalqın iradəsi ilə sona çatdığını bildirib. O, Cihannüma Dərnəyi tərəfindən təşkil edilən İstanbul Forumunda çıxış edib.
Suriyada 61 illik diktatorluqdan sonra Bəəs rejiminin sona çatdığını vurğulayan Kurtulmuş "Xalqının demək olar ki hamısını yadlaşdıran, özündən və öz ailəsinin ətrafındakılardan kənarda olan hər kəsi özgələşdirərək bir-birinə düşmən edən bir rejim 61 il sonra xalqın iradəsi ilə sona çatmış oldu", – deyə qeyd edib. TBMM sədri əlavə edib: “Bizim bundan sonra verəcəyimiz ən böyük dəstək isə artıq bölünmüş və parçalanmış Suriya xalqının heç bir parçasını özgələşdirməmək olacaq. Onların hamısını böyük bir əhatə dairəsi ilə güclü bir dövlət missiyası və geniş siyasi perspektivlə bir arada saxlamaq, onların ortaq gələcəyə yönəlməsinə dəstək olmaq üçün mübarizə aparmaqdır.”
