Qəbələdə güclü külək nəticəsində Dövlət Peşə Təhsil Mərkəzinə ziyan dəyib.
APA-nin Şirvan bürosu xəbər verir ki, külək mərkəzin bir korpusunun dam örtüyünü atıb, elektrik xətləri, digər kommunikasiya xidmətlərində problemlər yaranıb.
Xəsarət alan olmayıb. Fəsadların aradan qaldırılması üçün tədbirlər görülür.
***
09.38
Ötən gündən başlayan güclü külək Qəbələ rayonunda fəsadlara səbəb olub.
APA-nın Şirvan bürosu xəbər verir ki, külək Qəbələdə çoxlu sayda ağacın qırılmasına, dam örtüklərinin uçmasına səbəb olub. Elektrik dirəkləri aşıb, elektrik naqillərinə ciddi ziyan dəyib, rayonda enerjinin verilməsində fasilələr yaranıb.
Güclü külək nəticəsində Qəbələdə yeni inşa olunmuş evin dam örtüyü uçaraq magistral yola düşüb.
Bundan başqa, bir neçə ticarət obyektində, eləcə də evlərdə fəsadlar yaranıb, dam örtükləri uçub. Hazırda fəsadların aradan qaldırılması istiqamətində işlər aparırlar.
Güclü külək Göyçayda da fəsadlara səbəb olub.
Külək nəticəsində rayon mərkəzində və kəndlərdə elektrik enerjisinin verilməsində fasilələr yaranıb. Elektrik dirəklərinə ziyan dəyib, dam örtükləri və ağaclar aşıb. Hazırda dəymiş ziyanın aradan qaldırılması istiqamətində işlər görülür.
