Bu gün Misli Premyer Liqasında 17-ci tura start verilib.
QOL.az xəbər verir ki, ilk günə nəzərdə tutulmuş 2 matçdan artıq 1-i başa çatıb.
Turun açılış matçı Şamaxıda baş tutur. Meydan sahibi komanda “Səbail”i qəbul edib. Görüşün 14:00-da başlaması planlaşdırılsa da, Şamaxı şəhərindəki qarlı hava şəraiti səbəbindən görüş saat 14:20-də start götürüb. Matç 0:0 hesabı ilə yekunlaşıb.
Hər iki komanda bundan əvvəlki son 3 görüşdə xal qazanmağı bacarmamışdı. “Səbail” 8 turdur qələbəyə qalib gələ bilmir. Maraqlıdır ki, “dənizçilər” sonuncu dəfə məhz “Şamaxı” üzərində qələbəyə sevinib - 2:0. Ayxan Abbasovun komandası isə artıq 10 turdur qalib gələ bilmir.
Bu matçı prinsipial edən bir məqam da Cavid Hüseynovla bağlı olub. Belə ki, hazırda “Səbail”in baş məşqçisi olan Hüseynov 2 il əvvəl “Şamaxı”nı çalışdırırdı. Komanda məhz onun rəhbərliyi altında son turda “Səbail”ə uduzaraq Premyer Liqa ilə vidalaşmışdı.
Günün ikinci matçında isə lider “Araz-Naxçıvan” “Sabah”la üz-üzə gələcək.
Misli Premyer Liqası
17-ci tur
14 dekabr (şənbə)
14:00. “Şamaxı” - “Səbail” - 0:0
Hakimlər: Əliyar Ağayev, Zeynal Zeynalov, Akif Əmirəli, Kamran Əliyev
VAR: Rauf Allahverdiyev
AVAR: Pərvin Talıbov
Şamaxı şəhər stadionu
16:30. “Araz-Naxçıvan” - “Sabah”
Hakimlər: İnqilab Məmmədov, Namiq Hüseynov, Rahil Ramazanov, Əli Əliyev
VAR: Elçin Məsiyev
AVAR: Elşad Abdullayev
Liv Bona Dea Arena
15 dekabr (bazar)
16:00. “Zirə” – “Turan Tovuz”
18:30. “Neftçi” - “Kəpəz”
16 dekabr (bazar ertəsi)
19:00. “Qarabağ” - “Sumqayıt”
| N | Klublar | O | Q | H | M | T-F | X |
| 1 | Araz-Naxçıvan | 16 | 12 | 3 | 1 | 21-10 | 39 |
| 2 | Qarabağ | 15 | 12 | 2 | 1 | 39-7 | 38 |
| 3 | Turan Tovuz | 16 | 8 | 6 | 2 | 23-14 | 30 |
| 4 | Zirə | 16 | 8 | 2 | 6 | 27-16 | 26 |
| 5 | Sabah | 16 | 5 | 8 | 3 | 25-21 | 23 |
| 6 | Sumqayıt | 16 | 6 | 1 | 9 | 15-21 | 19 |
| 7 | Şamaxı | 16 | 3 | 5 | 8 | 13-21 | 14 |
| 8 | Neftçi | 16 | 2 | 7 | 7 | 13-25 | 13 |
| 9 | Kəpəz | 16 | 3 | 1 | 12 | 11-39 | 10 |
| 10 | Səbail | 17 | 2 | 3 | 12 | 16-29 | 9 |
Bombardirlər:
Felipe Santos ("Araz-Naxçıvan") - 8 qol
Coy Lens Mikels ("Sabah") - 7 qol
Davit Volkov ("Zirə") - 7 qol
