Son vaxtlar əhalinin narahatlığına və narazılığına səbəb olan problemlərdən biri də MİDA-nın mənzil satışı ilə bağlıdır.
Rəsmi açıqlamaya görə, 35 saniyə ərzində 544 mənzil satılıb. İştirakçılar isə bildirir ki, 8-10-cu saniyədə evlər alınıb. Bəziləri də qeyd edir ki, satış elan olunan zaman texniki problemlərlə üzləşiblər. Görünən odur ki, onlayn üsulla mənzil satışı özünü doğrultmur.
Bəs alternativ nələr təklif oluna bilər?
Neftlə bağlı da son vaxtlar neqativ proqnozlar var. Neftin qiymətinin enəcəyi ilə bağlı proqnozların ardından dolların bahalaşacağı ehtimalları da artır. Bilirik ki, neft ixrac edən ölkələrin gəlirləri azalır, bu da onların iqtisadiyyatına və valyuta ehtiyatlarına mənfi təsir göstərir. Milli valyuta stabil qala biləcəkmi, devalvasiya gözlənilirmi?
Bu arada, Azərbaycanda qiymətlər yenidən artmağa başlayıb.
İqtisadçı Akif Nəsirli "TV Müsavat"ın qonağı olub, bu və digər məsələlərlə bağlı suallarımıza cavab verib.
