Dekabrın 9-da Füzuli rayonunun Arayatlı kəndi ərazisində qəzaya düşən Azərbaycan Minatəmizləmə Agentliyinin (ANAMA) əməkdaşı, 1990-ci il təvəllüdlü Mustafa Qasımov vəfat edib.
“Qafqazinfo” xəbər verir ki, M.Qasımov dekabrın 15-də xəstəxanada dünyasını dəyişib.
Vətən müharibəsi qazisi olan M.Qasımov Füzuli rayonunun Qazaxlar kəndində torpağa tapşırılıb.
Qeyd edək ki, hadisə nəticəsində Agentliyin əməkdaşları - 1995-ci il təvəllüdlü Salman Qəhrəmanov və 2000-ci il təvəllüdlü Ramiz Bəylərzadə müxtəlif dərəcəli bədən xəsarətləri ilə Gəncə şəhər Mərkəzi Klinikasına yerləşdiriliblər. R. Bəylərzadənin vəziyyəti ağır qiymətləndirilir.
